მგზავრი, რომელიც მეტროსადგურის „თავისუფლების მოედანი“ ლიანდაგებში ჩავარდა, „ქართულ-ამერიკულ კლინიკაში“ გადაიყვანეს.
როგორც „იმედინიუსს“ თბილისის მეტროპოლიტენის პრესსამსახურში განუცხადეს, მას გარკვეული დაზიანებები აღენიშნებოდა, რისთვისაც სასწრაფო დახმარების ბრიგადამ იგი კლინიკაში გადაიყვანა. დაშავებული 20 წლამდე ასაკის ახალგაზრდა კაცია.
შემთხვევის ადგილზე საგამოძიებო სამსახურის წარმომადგენლები მუშაობენ, რათა დადგინდეს, მგზავრის ლიანდაგებში ჩავარდნის მიზეზი.
ამასთან, ამ მომენტისთვის თბილისის მეტროპოლიტენის მუშაობა მთლიანად აღდგენილია. შემთხვევის გამო მეტროპოლიტენი პირველ ხაზზე მოძრაობა შეზღუდული იყო.
კომენტარები