ნაძალადევის რაიონში, სანზონის N19-20 კორპუსებთან არსებულ სკვერში კლასიკური საოპერო მუსიკის წარმოდგენა გაიმართა. კონცერტი პროექტის „ოპერა შენს ეზოში“ ფარგლებში ჩატარდა.
საღამოზე ოპერისა და ბალეტის თეატრის მომღერლებმა ქართველი და ევროპელი კომპოზიტორების, ასევე, ნეაპოლიტანური სიმღერების ნიმუშები შეასრულეს. პროექტის მიზანი საოპერო ხელოვნების პოპულარიზაციაა.
ღონისძიება ნაძალადევის რაიონის გამგეობის ორგანიზებითა და თბილისის მერიის, ასევე, საკრებულოს ხელშეწყობით ჩატარდა. საოპერო წარმოდგენას ნაძალადევის რაიონის გამგებელი ირაკლი ანდღულაძე ადგილობრივ მოსახლეობასთან ერთად დაესწრო.
კომენტარები