“ბოლო 5 წელი ღრმა ჭრილობას ატარებდა გულში შვილის დაღუპვის გამო და ვერც გაუძლო ამ უბედურებას”

საქართველოს პარლამენტის წევრი ბექა ოდიშარია ირაკლი ხახუბიას გარდაცვალებას ეხმაურება და სამძიმრის წერილს აქვეყნებს.

“დღეს დიდი ტრაგედია მოხდა-
ჩემი მეგობარი და კოლეგა, ირაკლი ხახუბია გარდაიცვალა.
ძნელია წარსულში ისაუბრო ამ სიცოცხლით სავსე ადამიანზე.
ის ბოლო 5 წელი ღრმა ჭრილობას ატარებდა გულში შვილის დაღუპვის გამო და ვერც გაუძლო ამ უბედურებას.
ღრმა მწუხარებით ვუსამძიმრებ ამ დიდი და ლამაზი ოჯახის თითოეულ წევრს, ქალაქ ფოთს და სრულიად საქართველოს ამ შესანიშნავი ადამიანის, ახალგაზრდა კაცის, ერთგული მეგობრის და ღირსეული ქართველის იმიერში გარდასვლას .
უფალს შევთხოვ დაუმკვიდროს ადგილი ირაკლის და ბექას იქ, სადაც მართალნი განისვენებენ🙏”