პირველი საუნივერსიტეტო კლინიკა ექთნის ბრალდებებს პასუხობს, რომელსაც უცვლელად გთავაზობთ:
“სასამართლო დავა არ სრულდება პირველი ინსტანციის სასამართლო გადაწყეტილებით, რომელიც გამოიწვევს პაციენტის განსაცდელში მიტოვებას და პაციენტის საუკეთესო ინტერესების დარღვევას.
სამწუხაროდ, ექთანი ნინო კვაჭაძე პირველი საუნივერსიტეტო კლინიკიდან გათავისუფლებულია უხეში დარღვევის გამო, რაც გამოიხატა მისი მხრიდან პაციენტების უყურადღებოდ მიტოვებაში. ეს არ იყო პირველი დისციპლინარული უხეში გადაცდომა, რომელიც გახდა საფუძველი მისი კლინიკიდან გათავისუფლებისა, კერძოდ: მას 2015 წლიდან ჰქონდა არაერთხელ მიღებული სიტყვიერი გაფრთხილება. მის მიმართ განთავისუფლებამდე გამოყენებულია ხუთი დისციპლინალური ღონისძიება – გაფრთხილება და საყვედურები. ასეევე, დაფიქსირებულია თერაპია-კარდიოლოგიის მიმართულების ხელმძღვანელის მოთხოვნა, რაც გულისხმობდა ინტენსიური თერაპიის ექთან ნინო კვაჭეძის სამუშაო პროცესზე ვიდეო მეთვალყურეობას, რადგან აღნიშნული ექთანი არაერთგზის შემჩნეული იყო პაციენტებთან და თანამშრომლებთან კონფლიქტში, ექიმის მიერ მიცემული მითითებების შეუსრულებლობაში, რაც პირდაპირ გამოიხატებოდა პაციენტის მოვლის ხარისხზე. იგი მუდმივად აგვიანებდა სამსახურში და ასევე აღინიშნებოდა სხვა ფაქტები, რომელიც დასტურდება მოხსენებითი ბარათებებითა და პაციენტების საჩივრებით.
ექთანი ნინო კვაჭაძე პაციენტებისადმი გამოირჩეოდა უხეში, უტაქტო და გულრგილი დამოკიდებულებით, რაც გამოიხატებოდა იმაში, რომ იგი დროულად არ ასრულებდა ექიმის მითითებებს პაციენტის კვების, ჰიგიენური ნორმებისა და სანიტარული ნორმების დაცვის შესახებ, რაც მთავარია არ ასრულებდა ექიმის მითითებას და სასიცოცხლო მედიკამენტების მიცემას პაციენტისთვის, რაც ცალსახად მოქმედებს პაციენტის ჯანმრთელობაზე და არ შესრულებამ შესაძლოა დაუყენებია პაციენტის მდგომარეობის დამძიმება და შესაძლო სიკვდილიც კი.
ასევე, უნდა აღინიშნოს, რომ ექთანი ნინო კვაჭაძის მომსახურებით უკმაყოფილო იყო არა ერთი პაციენტი, მათ შორის მოქალაქე ლ. ტ.-ძე, რომელიც აღნიშნავს, რომ ექთანი მისდამი გამოირჩეოდა უხეში დამოკიდებულებით, ესაუბრებოდა ხმამაღალი ტონით, დროულად არ გაუკეთა შესაბამისი კვლევას და მედკამენტს. ასევე, უყურადღებობა გამოიჩინა პაციენტ ვ. მ.- ის მიმართ, რამაც გამოიწვია პაციენტის ჯანმრთელობის მდგომარეობის დამძიმება…
ექთანი ვალდებულია მკურნალ ექიმს ან მისი არ ყოფნის შემთხვევაში მორიგე ექიმს დაუყოვნებლივ მოახსენოს ინფორმაცია ავადმყოფთა მდგომარეობის გაუარესების შესახებ. აღსანიშნავია ორივე პაციენტის შემთხვევაში ის, რომ ექთან ნინო კვაჭაძეს მორიგეობის დროს ეძინა. კლინიკაში დამტკიცებული უფლება-მოვალებების ბრძანების შესაბამისად ექთანს აკრძალული აქვს პაციენტებთან ერთად ერთ პალატაში ძილი, თანაც საუბარია ინტენსიური პალატის პეციენტებზე.
ექთნის მოვალეობაში შედის დროულად და სწორად შეასრულოს ექიმის დანიშნულება ასევე, ვალდებულია ხარჯვის ჟურნალში აღწეროს გახარჯული მედიკამენტები. 2016 წლის 16 სექტემბერს ქალბატონმა ნინო კვაჭაძემ ინტენსიურ პალატაში მორიგეობის დროს არ ჩაწერა მედიკამენტის ხარჯვა შესაბამის ჟურნალში, რამაც გამოიწვია კლინიკის ფინანსური ზარალი..
კლინიკის შინაგანაწესით საშუალო სამედიცინო მედპერსონალის სამუშაო საათები იწყება 09:00 საათზე და სრულდება 17:00 საათზე დღის პერსონალისათვის, აღნიშნულის შესახებ ინფორმირებულის კლინიკის ყველა თანამშრომელი, თუმცაღა ნინო კვაჭაძე სისტემატიურად აგვიანებდა სამსახურში ან დროზე ადრე ტოვებდა კლინიკას. აღნიშნული შესახებ შესაბამისი სიტყვიერი თუ სხვა სახის გაფრთხილება და მითითება არაერთხელ მიეცა მას.
რაც შეეხება ექთან ნინო კვაჭაძის ურთიერთობას კოლეგებთან და სხვა სამედიცინო პერსონალთან შეგვიძლია ვთქვათ, რომ არაერთხელ ყოფილა განსჯის საგანი ნინო კვაჭაძის პაციენტებისადმი მომსახურების ხარისხის საკითხი, ასევე კოლეგებისადმი დამოკიდებულება. იგი არ ითვალისწინებდა არც განყოფილების მიმართულების ხელმძღვანელის, არც უფროსი ექთნის და მისი ზემდგომი მთავარი ექთნის მითითებებს სხვადასხვა საკითხებთან დაკავშირებით. კლინიკა ბოლო მომენტამე კეთილგანწყობილი იყო მისდამი, რაც გამოიხატება იმაშიც, რომ რიგი შემთხვევის დროს შემოვიფარგლებოდით მხოლოდ სიტყვიერი გაფრთხილებებით. მაგრამ შეუძლებელია თვალი დახუჭო ისეთ რამეზე, რასაც პაციენტის სიცოცხლის შესაძლო ხელყოფა ჰქვია.
სწორედაც, რომ სსიპ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კარდიოლოგიის მიმართულების ინტენსიურ პალატაში მოთავსებულია მძიმე ჯანმრთელობის მდგომარეობის მქონე პაციენტები და ისინი საჭიროებენ განსაკუთრებულ ზედამხედველობას სამედიცინო პერსონალის ყველა რგოლის მხირდან. ამ რგოლში კი ერთ- ერთი მნიშვნელოვანია ექთნის როლი. სამწუხაროდ ექთანი ნინო კვაჭაძე ვერ ასრულებდა სრულყოფილად მასზედ დაკისრებულ მოვალეობებს, რასაც მოწმობს არაერთი დოკუმენტი.
პირველი საუნივერსიტეტო კლინიკის კრედოა პაციენტებისათვის უსაფრთხო გარემოს შექმნა და მათი უფლებებისა და საუკეთესო ინტერესების დაცვა”, – ნათქვამია განცხადებაში, რომელსაც პირველი საუნივერსიტეტო კლინიკა ავრცელებს.