თბილისში, ისანი-სამგორის რაიონში, მკვლელობა მოხდა. მოკლულია 62 წლის მამაკაცი. შემთხვევას წინ ურთიერთშელაპარაკება უძღოდა. გარდაცვლილს სხეულზე ჭრილობები ცივი იარაღით აქვს მიყენებული.
შინაგან საქმეთა სამინისტროს ინფორმაციით, განზრახ მკვლელობის ბრალდებით 1968 წელს დაბადებული მ.ი ცხელ კვალზე დააკავეს.
“გამოძიებამ დაადგინა, რომ ბრალდებულმა მიმდინარე წლის 16 იანვარს თბილისში, ისანი-სამგორის რაიონში, ურთიერთშელაპარაკების ნიადაგზე, 1955 წელს დაბადებულ ზ.ქ.-ს ცივი იარაღით სხეულზე ჭრილობები მიაყენა, რის შედეგადაც იგი გარდაიცვალა. სამართალდამცველებმა მ.ი. ცხელ კვალზე, შემთხვევის ადგილზევე დააკავეს. პოლიციამ დანაშაულის ჩადენის იარაღი – დანა ნივთმტკიცებად ამოიღო”, – აცხადებენ შსს-ში.
კომენტარები