გონიოში ავტოსაგზაო შემთხვევის შედეგად სამი პოლიციელი დაშავდა.
არსებული ინფორმაციით, „ოპელის“ მარკის ავტომობილი მსუბუქ ავტომობილს დაეჯახა, სადაც პოლიციის თანამშრომლები ისხდნენ.
დაშავებულია „ოპელის“ ავტომობილის მძღოლიც. დაშავებულები ბათუმის სამედიცინო ცენტრში გადაიყვანეს, მათი ჯანმრთელობის მდგომარეობა სტაბილურია.
მოხდარზე გამოძიება 276-ე მუხლის პირველი ნაწილით მიმდინარეობს, რაც სატრანსპორტო საშუალების მოძრაობის ან ექსპლუატაციის წესების დარღვევას გულისხმობს, რამაც გამოიწვია ჯანმრთელობის ნაკლებად მძიმე დაზიანება.
კომენტარები