ე.წ. სანქციების დაწესება და რაღაც შეზღუდვების შემოტანა, ვაჭრობა, ეკონომიკის ჩაკეტვა, იქნებოდა სრული უპასუხისმგებლობა, უფრო მეტიც, შეიძლება ამას ვუწოდოთ საკუთარი ქვეყნისა და ხალხის ინტერესების ღალატი, – ამის შესახებ საქართველოს პრემიერ-მინისტრმა, ირაკლი ღარიბაშვილმა პარლამენტში წლიური ანგარიშის წარდგენისას განაცხადა.
როგორც ირაკლი ღარიბაშვილმა აღნიშნა, ე.წ. სანქციების დაწესება დაზიანდებოდა ქვეყანა და ხალხი.
„ბოლო 30 წლის განმავლობაში, გადახედეთ ჩვენი მმართველების დროს, გატარებულ პოლიტიკას. ეს არის ერთადერთი რეალურად სუვერენული, დამოუკიდებელი პოლიტიკა, რომელსაც ჩვენ ვაწარმოებთ. რეალურად, ჩვენი ნაბიჯებით, დღითი დღე განვამტკიცებთ სუვერენიტეტს. ე.წ. სანქციების დაწესება და რაღაც შეზღუდვების შემოტანა, ვაჭრობა, ეკონომიკის ჩაკეტვა, იქნებოდა სრული უპასუხისმგებლობა, უფრო მეტიც, შეიძლება ამას ვუწოდოთ საკუთარი ქვეყნისა და ხალხის ინტერესების ღალატი. ვინმე თუ დაზიანდებოდა, დაზიანდებოდა ჩვენი ქვეყანა, ჩვენი ხალხის ინტერესები, დღეს ასე თამამად ვერ ვისაუბრებდით, რომ გვაქვს ეკონომიკური სვლა, წინსვლა, სამუშაო ადგილები. 250 ათასი ახალი სამუშაო ადგილი შეიქმნა ბოლო ორ წელიწადში.
თქვენ როგორ წარმოგიდგენიათ, ამ ადამიანებს მივმართავ, სად ვიქნებოდით დღეს, ეს ადამიანები რომ ყოფილიყვნენ ხელისუფლებაში. როცა იყვნენ ხელისუფლებაში, მაშინ ვერ აირიდეს თავიდან ომი, ეს უბედურება დამართეს ქვეყანას, დიდი განსაცდელი მოუვლინეს ქვეყანას, ჩვენს ხალხს, დაკარგეს ტერიტორიები. ახლა რაც შეეხება მათ ქმედებას – ყველაზე მეტად ამაზე საუბარი არ სურთ, რადგან იციან, რომ მათ ჩაიდინეს ჩვენი ეროვნული ინტერესების ღალატი“, – განაცხადა ღარიბაშვილმა.