შემოღებულია ელექტრონული ხმის მიცემის წესი, კენჭისყრის წესი, ამომრჩეველთა 90 %-ზე მეტი უკვე შემდეგ არჩევნებზე, საპარლამენტო არჩევნებზე დარეგისტრირდება და ხმას მისცემს ელექტრონული წესით, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ პრესკონფერენციას განაცხადა, სადაც ევროკომისიის მიერ დაწესებული 12- პუნქტიანი გეგმის შესრულების თაობაზე დეტალური ინფორმაცია წარადგინა.
მისი თქმით, დაახლოებით 1 საათში კენჭისყრის დასრულებიდან ამომრჩეველთა ხმების 90 %-ზე მეტი იქნება დათვლილი და ატვირთული ცესკოს ვებგვერდზე, რაც რა თქმა უნდა, ფუნდამენტურად გააუმჯობესებს მთლიანად საარჩევნო პროცედურების ხარისხს.
„საარჩევნო სისტემაში განხორციელდა ფუნდამენტური ცვლილებები. მთავარი ცვლილება მაინც, უნდა გამოიყოს, უკავშირდება ელექტრონულ ხმის მიცემას. შემოღებულია ელექტრონული ხმის მიცემის წესი, კენჭისყრის წესი, ამომრჩეველთა 90 %-ზე მეტი უკვე შემდეგ არჩევნებზე, საპარლამენტო არჩევნებზე დარეგისტრირდება და ხმას მისცემს ელექტრონული წესით. ეს არის ფუნდამენტური ცვლილება, რაც პრაქტიკაზე აისახება ძალიან დადებითად. გახსოვთ, იყო უამრავი სპეკულაცია ე.წ. კარუსელებთან დაკავშირებით და ა.შ. იგივე, პრობლემა იყო წლების განმავლობაში დაუბალანსებელი ოქმები, ბიულეტენები და ა.შ. ეს პრობლემები ავტომატურად მოგვარდება. დაახლოებით 1 საათში კენჭისყრის დასრულებიდან, 20:00 საათზე სრულდება კენჭისყრა, 21:00 საათისთვის უკვე ამომრჩეველთა ხმების 90 %-ზე მეტი იქნება დათვლილი და ატვირთული ცესკოს ვებგვერდზე, რაც რა თქმა უნდა, ფუნდამენტურად გააუმჯობესებს მთლიანად საარჩევნო პროცედურების ხარისხს და ეს არის ფუნდამენტური ცვლილება, რომელიც განხორციელდა“, – აღნიშნა ირაკლი კობახიძემ.