მარიხუანას დათესვა-მოყვანა-კულტივირებაში ბრალდებულ სასულიერო პირს გიორგი ჯახუას, ქუთაისის საქალაქო სასამართლოს გადაწყვეტილებით, 2 ათასი ლარის ოდენობით გირაო შეეფარდა.
ჯახუას ბრალი სამართლის კოდექსის 265-ე მუხლის მესამე ნაწილით ედება, რაც მარიხუანას დათესვას, მოყვანასა და კულტივირებას გულისხმობს. აღნიშნული დანაშაული 6-დან 12 წლამდე პატიმრობას ითვალისწინებს.
რამდენიმე დღის წინ სასულიერო პირის სახლიდან პოლიციამ ორი ძირი კანაფი ამოიღო. ჯახუას განცხადებით, პოლიცია მის სახლში სასამართლო განჩინების გარეშე შევიდა. სასულიერო პირის ინტერესებს “გირჩის” ადვოკატი ვალერი თევდორაძე იცავს.
კომენტარები