ლაგოდეხის რაიონული საავადმყოფოს “კელაპტარის” მეოთხე სართულიდან პაციენტი გადმოხტა. მამაკაცი კლინიკაში თავის ტრავმით ნასვამ მდგომარეობაში შეიყვანეს. მედპერსონალის თქმით, პაციენტი აგრესიით გამოირჩეოდა, ახლობლები მის დაწყნარებას ცდილობდენ, მოგვიანებით კი მისი შეკავება ვეღარ შეძლეს და მამაკაცი მეოთხე სართულიდან გადახტა.
ახალგაზრდა კაცი ლაგოდეხის “არქიმედეს” კლინიკაში გადაიყვანეს, თუმცა ექიმებმა მისი გადარჩენა სიცოცხლისთვის შეუთავსებელი დაზიანებების გამო ვერ შეძლეს.
მომხდარზე აღძრულია სისხლის სამართლის საქმე. გამოძიება თვითმკვლელობამდე მიყვანის მუხლით მიმდინარეობს.
კომენტარები