ზაზა ოქუაშვილის განცხადებით, 2004 წელს “მთავრობის უმაღლესი ეშელონებიდან” მას სთხოვდნენ წილების დათმობას როგორც “იბერიაში”, ასევე ომეგა ჯგუფში. ვინ სთხოვდა ამას და იყო თუ არა მოთხოვნა წილების “რუსთავი 2”-ის სასარგებლოდ დათმობის შესახებ, ამაზე ოქუაშვილი არ პასუხობს.
“ის ხალხი ვინც აქტიურად არის ჩარეული “რუსთავი 2”-ის საქმეში, მაშინაც იყვნენ ჩარეული “იბერიის” საკითხში. “რუსთვი 2”-ში საკითხი გართულდა. გართულება გამოიწვია 2004-2005 წლების პროცესებმა. იბერია არ გაურიგდა მაშინდელ მთავრობას და ამან მოიყვანა ტელევიზიაა იმ გზამდე, რომ “იბერია” მოქმედებს და არაფერი ზედმეტი გასარჩევი აქ არ არის. ვერ დავალ კონკრეტულ პირებამდე, ჩემთვის იყო ერთიანი ორგანიზებული შეთანხმებული ჯგუფი, ეს იყო მთავრობის უმაღლესი ეშელონი, ვის რა როლი ჰქონდა ამას გაარკვევს გამოძიება. ჯგუფი ითხოვდა ყველგან წილების დათმობას, ჯერ იბერიაში, მერე ომეგა ჯგუფში. პროცესი 2004 წლის 19 თებერვალს დაიწყო. პროკურატურა იძიებს ამ საქმეს, მალე ვნახავთ გამოძიების შედეგებს,“ – განაცხადა ოქუაშვილმა.