ევროკავშირის 2004 წლის გაფართოების მე-20 წლისთავთან დაკავშირებულ ღონისძიებაზე სიტყვით გამოსვლისას ევროპული საბჭოს პრეზიდენტმა, შარლ მიშელმა განაცხადა, რომ ევროკავშირის სტრატეგია ევროპის სუვერენიტეტი ან სტრატეგიული ავტონომიაა.
„ჩვენ გვაქვს სტრატეგია: ამას ჰქვია ევროპის სუვერენიტეტი ან სტრატეგიული ავტონომია. სუვერენიტეტი ნიშნავს იყო უფრო ძლიერი, უფრო გავლენიანი და უფრო მეტად აკონტროლებდე საკუთარ ბედს“, – აღნიშნა შარლ მიშრლმა.
შარლ მიშელის თქმით, ევროკავშირის სუვერენიტეტი სამ საყრდენს ეფუძნება – დემოკრატიული ღირებულებები და დემოკრატიული პრინციპები, ძლიერი და კონკურენტუნარიანი ეკონომიკა და თავდაცვითი მზადყოფნა.
„ღირსება ამ პოლიტიკური საერთო პროექტის საფუძველია“, – აღნიშნა ევროპული საბჭოს პრეზიდენტმა.
„გაფართოება არის ჩვენი სუვერენიტეტის სტრატეგიის ქვაკუთხედი და ჩვენ, კანდიდატ ქვეყნებსა და ევროკავშირის ინსტიტუტებს, ბევრი სამუშაო გვაქვს გასაკეთებელი. და ვიმეორებ ჩემს მტკიცე რწმენას: ჩვენ მზად უნდა ვიყოთ – ორივე მხრიდან – 2030 წლისთვის გაფართოებისთვის. კანდიდატი ქვეყნებისთვის ეს ნიშნავს აუცილებელ რეფორმებსა და ყველა ორმხრივი დავის მოგვარებას. ევროკავშირის მხრიდან ეს ნიშნავს ჩვენი პროგრამებისა და ბიუჯეტის და გადაწყვეტილების მიღების პროცესის რეფორმირებას“, – განაცხადა შარლ მიშელმა.