ღაზის სექტორში გასული დღის განმავლობაში ისრაელის სამხედრო ოპერაციას 47 ადამიანი ემსხვერპლა, 61 კი დაშავდა.
ამის შესახებ ინფორმაციას ღაზის სექტორის ჯანდაცვის სამსახური ავრცელებს.
უწყებაში აცხადებენ, რომ 2023 წლის 7 ოქტომბერს ისრაელის შეჭრის შემდეგ, არაბულ ანკლავში 34 535 ადამიანი დაიღუპა, 77 704 კი დაშავდა.
8 000 ადამიანი კვლავ დაკარგულად მიიჩნევა.
ღაზის სექტორში აცხადებენ, რომ დაღუპულთა შორის 14 500-ზე მეტი ბავშვი და 9 500 ქალია.
ისრაელის პრემიერ-მინისტრის, ბენიამინ ნეთანიაჰუს განცხადებით, სამშვიდობო მოლაპარაკებების მიუხედავად, ღაზის სექტორის ქალაქ რაფაჰში სახმელეთო ოპერაცია მაინც ჩატარდება.
„იდეა, რომ ომს ყველა მიზნის მიღწევამდე შევაჩერებთ, არ არის ვარიანტი. , იქნება თუ არა შეთანხმება, ჩვენ შევალთ რაფაჰში და გავანადგურებთ “ჰამასის” ბატალიონებს, რათა მივაღწიოთ სრულ გამარჯვებას”, – განაცხადა ბენიამინ ნეთანიაჰუმ.