უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინა ვერ გახდება ნატოს წევრი მანამ, სანამ არ მოიგებს ომს რუსეთის წინააღმდეგ.
„მე ვფიქრობ, რომ მხოლოდ ჩვენი გამარჯვების შემდეგ შევუერთდებით ნატოს. არ ვფიქრობ, რომ ნატო მიგვიღებს მანამ, სანამ ომი მიმდინარეობს. ნატოს ზოგიერთი წევრისთვის ეს სარისკოა, ზოგიერთისთვის კი უბრალოდ სკეპტიციზმის მიზეზი“, – აღნიშნა უკრაინის პრეზიდენტმა.
„ნატოში [გაწევრიანების] საკითხი, როგორც [ნატოს] გენერალურმა მდივანმა სწორად განაცხადა, უმრავლესობის საკითხია. და უმრავლესობა პოლიტიკური საკითხია. იმისათვის, რომ უკრაინა პოლიტიკურად იყოს მიღებული ალიანსში, ჩვენ უნდა გავიმარჯვოთ“, – დასძინა ზელენსკიმ.
კომენტარები