გამჭვირვალობის კანონის საწინააღმდეგო აქციის მონაწილეების ნაწილმა პარლამენტის მიმდებარე ტერიტორიიდან მთავრობის ადმინისტრაციასთან გადაინაცვლა. მათ კანცელარიისკენ გიორგი ქადაგიძე და რატი ამაღლობელი გაუძღვნენ.
დემონსტრანტების მთავარი მოთხოვნა უცვლელია – ისინი ხელისუფლებას მოუწოდებენ, არ მიიღონ კანონი ,,უცხოური გავლენის გამჭვირვალობის შესახებ“.
შინაგან საქმეთა სამინისტრომ განცხადება გაავრცელა, სადაც აქციის მონაწილეებს კანონით გათვალისწინებულ საზღვრებში დარჩენისკენ მოუწოდა. შსს აქციის მონაწილეებს შეახსენებს, რომ „შეკრებებისა და მანიფესტაციების შესახებ“ საქართველოს კანონის შესაბამისად, აკრძალულია ადმინისტრაციული ორგანოების შესასვლელების ბლოკირება და მათი საქმიანობის შეფერხება, აქედან გამომდინარე, შინაგან საქმეთა სამინისტრო აქციის ორგანიზატორებსა და თითოეულ მონაწილეს მოუწოდებს, არ დაარღვიონ კანონი, დაემორჩილონ სამართალდამცველების მითითებას და უზრუნველყონ, რომ აქციამ ჩაიაროს მშვიდ ვითარებაში.