ამ წუთებში პარლამენტთან, 9 აპრილის ქუჩაზე ფიზიკური დაპირისპირებაა. მოსწავლე-ახალგაზრდობის სასახლესთან აქციის მონაწილეები სამართალდამცველებს ფიზიკურად დაუპირისპირდნენ.
აქციის რამდენიმე მონაწილემ პოლიციელების მისამართით საგნების სროლა დაიწყო. სამართლადამცველებმა რამდენიმე დემონსტრანტი ტერიტორიას განარიდა.
შინაგან საქმეთა სამინისტრომ განცხადება გაავრცელა, სადაც აქციის მონაწილეებს შეახსენებს, რომ „შეკრებებისა და მანიფესტაციების შესახებ“ საქართველოს კანონის შესაბამისად, აკრძალულია ადმინისტრაციული ორგანოების შესასვლელების ბლოკირება და მათი საქმიანობის შეფერხება, აქედან გამომდინარე, შინაგან საქმეთა სამინისტრო აქციის ორგანიზატორებსა და თითოეულ მონაწილეს მოუწოდებს, არ დაარღვიონ კანონი, დაემორჩილონ სამართალდამცველების მითითებას და უზრუნველყონ, რომ აქციამ ჩაიაროს მშვიდ ვითარებაში.