“არცერთი პროექტის დაფინანსების შეჩერება საქართველოში, არც კოლაფსს გამოიწვევს და არც ქვეყნის ფუნქციონირების გაჩერებას”

არცერთი პროექტის დაფინანსების შეჩერება საქართველოში არც კოლაფსს გამოიწვევს რომელიმე სექტორის და არც ქვეყნის მუშაობისა და ფუნქციონირების გაჩერებას, – ამის შესახებ ევროპასთან ინტეგრაციის კომიტეტის თავმჯდომარე მაკა ბოჭორიშვილმა განაცხადა.

მისივე თქმით, მსგავსი დამოკიდებულება პარტნიორების მხრიდან შემაშფოთებელია.

„საქართველოს აქვს საკმარისი რესურსი, რათა ყველა საჭირო პროექტი, რაც ქვეყნის ინტერესებშია, განახორციელოს. ზოგადად, პრინციპი, მსგავსი დამოკიდებულება პარტნიორების მხრიდან ნამდვილად შემაშფოთებელია, როდესაც აბსოლუტურად გაუგებარია საფუძველი ამ გადაწყვეტილებების მიღების“, – აღნიშნა ბოჭორიშვილმა.