თითქოს საზოგადოებრივი აზრის შემზადებას ახდენენ, რომ არ იყოს გასაკვირი, რომ სალომე ზურაბიშვილმა მიხეილ სააკაშვილიც კი შეიწყალოს, – ამის შესახებ ფრაქცია „ქართული ოცნების“ თავმჯდომარის პირველმა მოადგილემ არჩილ გორდულაძემ განაცხადა.
მისივე თქმით, პრეზიდენტი ამბობდა, რომ ნიკა გვარამიას დეპოლარიზაციის მიზნით შეიწყალებდა, თუმცა პოლარიზაცია კიდევ უფრო გაღრმავდა.
„როდესაც ადამიანი ამბობდა, რომ დეპოლარიზაციისთვის არის ხელსაყრელი ნიკა გვარამიას შეწყალება და გვახსოვს ნიკა გვარამიას განცხადებები, პიროვნული შეურაცხყოფები, ათასი უბედურება რასაც ის ამბობდა და ამის ფონზე მაინც შეიწყალა, სადმე პოლარიზაციის შემცირება ნახეთ? თუ პირიქით, ჩვენი გუნდის წევრებზე, ჩვენს ოჯახებზე და შვილებზე არ მიმდინარეობს ტერორი. თითქოს საზოგადოებრივი აზრის შემზადებას ახდენენ, რომ არ იყოს გასაკვირი, რომ სალომე ზურაბიშვილმა მიხეილ სააკაშვილიც კი შეიწყალოს“, – აღნიშნა გორდულაძემ.
არსებული ინფორმაციით, სალომე ზურაბიშვილი მიხეილ სააკაშვილის შეწყალებას არჩევნების შემდეგ, რამდენიმე დღეში გეგმავდა, მიზანი კი პოლიტიკური ტემპერატურის აწევა იყო.