უკრაინის პრეზიდენტმა ვოლოდიმირ ზელენსკიმ განაცხადა, რომ აშშ-მა უკრაინას Patriot-ის ტიპის ჰაერსაწინააღმდეგო სისტემების არასაკმარისი რაოდენობა მიაწოდა.
„ბოლომდე ვერ გავიგე და ვერც გავიგებ, როცა ჩვენთან ადამიანები იღუპებიან, ხოლო ჰაერსაწინააღმდეგო სისტემა იმდენი გვაქვს, რამდენიც გვაქვს. რატომ არ გაგვაძლიერა ამერიკამ Patriot-ის სისტემებით? ვამბობ ამერიკას, იმიტომ რომ მათი უმრავლესობა იქ ინახება. ამის გაგება ჩემთვის რთულია. შესაძლოა, მე რამის არ მესმის. მაგრამ ერთი რამ ვიცი, სამწუხაროდ, ჩვენთან ადამიანები იღუპებოდნენ“, – განაცხადა უკრაინის პრეზიდენტმა.
ზელენსკიმ აგრეთვე დასძინა, რომ ამერიკის წარმავალ ადმინისტრაციას სთხოვდა მეტ იარაღს და პრევენციული სანქციების დაწესებას რუსეთის შეჭრამდე.
კრიტიკის მიუხედავად, ზელენსკიმ თქვა, რომ ის აშშ-ის ადმინისტრაციის მადლიერია გაწეული დახმარების გამო.