გერმანიის სამხრეთით მდებარე ქალაქ აშაფენბურგში დანით თავდასხმას ორი ადამიანი ემსხვერპლა, მათ შორის 2 წლის ბავშვი. კიდევ ორი ადამიანი მძიმედ დაიჭრა.
ინფრომაციას „დოიჩე ველე“ ავრცელებს.
თავდასხმა ბავარიის რეგიონის ქალაქის ცენტრთან მდებარე პარკში მოხდა. ფაქტთან დაკავშირებით დაკავებულია 28 წლის ეჭვმიტანილი.
პოლიციის ცნობით, ის წარმოშობით ავღანეთიდანაა. თავდასხმის მოტივი უცნობია. მედიის ცნობით, თავდამსხმელმა შემთხვევის ადგილიდან მიმალვა სცადა. პოლიცია აცხადებს, რომ საზოგადოებისთვის საფრთხე აღარ არსებობს.
კომენტარები