საზოგადოებრივი აზრის კვლევის ინსტიტუტის, Insa-ს მიერ გამოცემა T-online-სთვის ჩატარებული გამოკითხვის მიხედვით, გერმანელების თითქმის ნახევარს აღარ სურს უკრაინის დახმარება.
გამოკითხვის შედეგები აჩვენებს, რომ უკრაინის იარაღითა და ფულით მხარდაჭერა ბევრ გერმანელში სულ უფრო მეტ უკმაყოფილებას იწვევს.
გამოკითხვის თანახმად, გერმანელების 46% სურს, რომ მომავალმა მთავრობამ აღარ დაუჭიროს მხარი უკრაინას არც იარაღით და არც ფულით. 28%-ს სურს, რომ მომავალმა მთავრობამ უკრაინას იარაღი და ფული გამოუყოს. ამასთან, გერმანელების 7% მხოლოდ ფულით დახმარების მომხრეა, ხოლო 8% – იარაღით. 6%-ს გადაწყვეტილება არ მიუღია, ხოლო 3%-სთვის ეს საკითხი სულერთია.
ამასთან, გამოკითხვა აჩვენებს, რომ ქალების 51%-ს და მამაკაცების 40%-ს სურთ უკრაინის მხარდაჭერის შეწყვეტა. მამაკაცების 35%-ს სურს უკრაინისთვის იარაღისა და ფულის გაგზავნის გაგრძელება, ხოლო ქალების – მხოლოდ 22%-ს.
ამასთან, 18-დან 29 წლამდე ასაკის გერმანელების უმრავლესობას, კერძოდ, 57%-ს სურს, რომ მომავალმა მთავრობამ შეწყვიტოს უკრაინის მხარდაჭერა. 70 წელზე უფროსი გერმანელების მხოლოდ 28%-ს არ სურს უკრაინაში იარაღის ან ფულის გაგზავნა.
დასავლეთ გერმანელების 42% მხარდაჭერის შეწყვეტას მოითხოვს, აღმოსავლეთ გერმანიაში კი, ეს მაჩვენებელი 61%-ია. დასავლეთ გერმანიის მოსახლეობის 30%-ს სურს უკრაინის იარაღითა და ფულით მხარდაჭერის გაგრძელება. თუმცა, აღმოსავლეთ გერმანელების მხოლოდ 21%-ს.
გამოკითხვა ჩატარდა ონლაინ, მიმდინარე წლის 24 თებერვალს. გამოკითხული იყო გერმანიის 1 000 მოქალაქე, 18 წლის და უფროსი ასაკის მოსახლეობა.
აღსანიშნავია, რომ Wahlen-ის კვლევითი ჯგუფის მიერ 2025 წლის თებერვლის დასაწყისში ჩატარებულ გამოკითხვაში, გერმანელების 67% მხარს უჭერდა უკრაინისთვის სამხედრო დახმარების გაგრძელებას. რესპონდენტების 27%-მა კი, მხარი დაუჭირა გერმანიის მხრიდან კიევისთვის სამხედრო დახმარების გაზრდას.