აშშ-ის სახელმწიფო მდივანი აცხადებს, რომ უკრაინაში ომი შესაძლოა რამდენიმე კვირაში დასრულდეს.
მარკო რუბიოს თქმით, რუსეთისა და ამერიკის მოლაპარაკებების მომდევნო რაუნდზე სამშვიდობო პროცესის კონკრეტულ ნაბიჯებზე ისაუბრებენ. ამერიკულ მხარეს სურს გაიგოს, ომის დასასრულებლად რა კომპრომისებზე შეიძლება წავიდეს როგორც მოსკოვი, ასევე კიევი.
რუბიოს თქმით, თეთრი სახლი მოსკოვისა და კიევის მოლაპარაკების მაგიდასთან დასმას ცდილობს. სამწუხაროდ, ამას უკრაინული მხარე ეწინააღმდეგება და საკუთარი პოზიციის შერბილებაზე უარს აცხადებს.
„პრეზიდენტ ტრამპს სურს, რომ უკრაინაში ომი დასრულდეს. უფრო მეტიც, ისურვებდა, რომ გუშინ დასრულებულიყო. იგი ფიქრობს, რომ ძალიან ბევრი ადამიანია დაღუპული და რომ ამ ომს მასშტაბური ნგრევა მოჰყვა. ვფიქრობ, ყველა გახარებული უნდა იყოს, რომ ტრამპი მშვიდობის პრეზიდენტია. გვყავს ლიდერი, რომელსაც ომების დასრულება სურს და არა დაწყება, თუმცა საქმე გვაქვს ომთან და ორივე მხარე უნდა დავსვათ მოლაპარაკების მაგიდასთან. დავიწყოთ რუსეთით და ვკითხოთ, დაინტერესებული არის თუ არა კონფლიქტის დასრულებით. ევროპაში, რომ დაელაპარაკო ხალხს, იქ ამ კითხვაზე გიპასუხებენ, რომ პუტინს ომის დასრულება არ სურს. რეალურად მოსკოვი მზად არის ომი გარკვეული პირობებით დაასრულოს, თუმცა ეს პირობები ჯერ არ განგვიხილავს. ეს მოხდება შემდგომ ეტაპზე და ცხადია, ზუსტად იგივე კითხვით მივმართავთ უკრაინასაც. ომს ვერ დავასრულებთ, თუ ორივე მხარე არ შეთანხმდება. ამას შესაძლოა დღეები ან კვირები დასჭირდეს, თუმცა ჩვენ პროცესს დავძრავთ“, – განაცხადა რუბიომ.