უკრაინის პრეზიდენტი ვოლოდიმირ ზელენსკი უსაფრთხოების გარანტიის გარეშე ამერიკის შეერთებულ შტატებთან ძვირფასი წიაღისეულის შესახებ შეთანხმებას ხელს არ მოაწერს. ინფორმაციას The Economist-ი ავრცელებს.
გამოცემის ცნობით, ამჟამად შეთანხმებას საკმაოდ ბუნდოვანი სახე აქვს. მაგალითად, უცნობია, როგორ გააკონტროლებს ამერიკული მხარე ფონდს და როგორი იქნება მისი მართვის მექანიზმი.
გარდა ამისა, გამოცემის ინფორმაციით, დოკუმენტის თანახმად, უკრაინის კომპენსაცია იმ 500 მილიარდ დოლარზე გაცილებით ნაკლები იქნება, რომელსაც პრეზიდენტი ტრამპი უკრაინისგან ითხოვს.
სტატიაში ასევე აღნიშნულია, რომ უკრაინის ტერიტორიაზე ძვირფასი მინერალების რეალური მასშტაბები ამ ეტაპზე უცნობია, ვინაიდან ქვეყნის ტერიტორია შესაბამისი თანამედროვე მოწყობილობებით გამოკვლეული არ არის.
გავრცელებული ინფორმაციის თანახმად, ხელშეკრულებას ხელი 28 თებერვალს უკრაინის პრეზიდენტის, ვოლოდიმირ ზელენსკის აშშ-ში ვიზიტის დროს უნდა მოეწეროს.