ირანის თემა გახდება რუსეთსა და შეერთებულ შტატებს შორის დიალოგის ცალკე მიმართულება, შემდგომი კონტაქტებით, – ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.
კრემლის სპიკერმა განმარტა, რომ რიადში რუსეთსა და აშშ-ს შორის მაღალი დონის მოლაპარაკებების დროს ირანის თემა დეტალურად არ განხილულა.
პესკოვის განცხადებით, მოსკოვში ფიქრობენ, რომ ვაშინგტონმა და თეირანმა ყველა პრობლემა მშვიდობიანი, დიპლომატიური საშუალებებით უნდა მოაგვარონ.
„ვინაიდან ირანი არის ჩვენი მოკავშირე, პარტნიორი, ქვეყანა, რომელთანაც ჩვენ ვავითარებთ ურთიერთსასარგებლო და ურთიერთდახმარების კომპლექსურ ურთიერთობებს, რუსეთი მზად არის, ბირთვული პრობლემის მშვიდობიანი გადაწყვეტისთვის ყველაფერი გააკეთოს. შეერთებული შტატებში ამის შესახებ ცნობილია“, – განაცხადა დიმიტრი პესკოვმა.