პოლონეთმა საქართველოს მოქალაქეების დეპორტაცია დაიწყო. პოლონეთის პრემიერ-მინისტრი, დონალდ ტუსკი სოციალურ ქსელში ვიდეომასალას ავრცელებს.
პოლონეთის მთავრობის ხელმძღვანელი აცხადებს, რომ „ხელისუფლება ეფექტურად შლის ქართულ ბანდებს“.
გასული თვის ბოლოს ცნობილი გახდა, რომ საქართველოს მოქალაქეებს, რომლებმაც პოლონეთში კანონი დაარღვიეს, ქვეყნიდან გააძევებდნენ. პოლონეთის პრემიერ-მინისტრმა, დონალდ ტუსკმა მაშინ განაცხადა, რომ პოლონეთში დაკავებული უცხოელი კრიმინალების დეპორტაცია მათი წარმოშობის ქვეყნებში, მათ შორის საქართველოში, მარტის პირველ კვირაში განხორციელდებოდა.
პოლონეთის მთავრობაში აცხდებენ, რომ ესენი არიან „კრიმინალები, რომლებმაც იპოვეს პოლონეთში ცხოვრების გზა კანონის დარღვევით“.
Deportacje ruszyły. Skutecznie rozbijamy gruzińskie gangi. Nie słowa, a czyny. pic.twitter.com/zlwCvEnyjo
— Donald Tusk (@donaldtusk) March 5, 2025