კულტურის მინისტრი, თინათინ რუხაძე “ღამის კურიერის” ეთერში ხელოვნების სფეროს იმ გაფიცულ წარმომადგენლებთან დაკავშირებით საუბრობს, რომლებიც ქვეყანაში არსებულ პოლიტიკურ ვითარებას აპროტესტებენ.
კულტურის მინისტრის თქმით, აღნიშნული პირები იურიდიულად გაფიცულები არ არიან და სახელმწიფოსგან ხელფასს ჩვეულებრივად იღებენ.
“რაც შეეხება გაფიცულებს, მე დე იურე გაფიცული არ მყავს დარგში. იურიდიულად გაფიცული არავინ არ არის. გაფიცვასაც, ისევე როგორც ყველაფერს, აქვს თავისი წესი. დე ფაქტო თავს რომ გაფიცულად აღიარებენ და ტელევიზორებშიც ასეა, თუმცა ისინი არიან კომუნიკაციაში. ფურცელზე ჩვეულებრივად საქმიანობა მიმდინარეობს. თუ გაფიცულები არიან, მაშინ ეს არის სახელმწიფო ქონება, სახელმწიფო ხელფასი… სახელმწიფოს ხელფასი არ შეუწყვეტია, წამი წამში, წუთი წუთში ყველაფერი აწყობილი აქვს სახელმწიფოს და მაშინ არსებობენ სხვა ადამიანებიც, რომლებიც აბსოლუტურ ლეგიტიმურ კითხვებს სვამენ – 4-5 თვე სპექტაკლს არ გამართავ, (ოღონდ არის ასეთი ერთეულები) შენ საკუთარ ინტერესებს აყოლებ ორგანიზაციებს და ამაზე რეაგირებები უთუოდ იქნება,” – აღნიშნა კულტურის მინისტრმა.