ინტერპოლმა დაადასტურა, რომ უკრაინის ყოფილი პრეზიდენტის, ვიქტორ იანუკოვიჩის მიმართ ძებნა შეწყვიტა. ინფორმაციას იანუკოვიჩის პრესმდივანი, იური კირასირი Facebook-ის საკუთარ გვერდზე აქვეყნებს.
“ინტერპოლმა დაადასტურა, რომ პრეზიდენტ ვიქტორ იანუკოვიჩზე ინტერპოლის წითელი ცირკულარზე, ან დაპატიმრებაზე რაიმე მოთხოვნა არ ვრცელდება. ამაზე მონაცემები ინტერპოლის ბაზაში არ არის“ – წერს კირასირი.
მისი განცხადებით, მათ ეს პასუხი იანუკოვიჩის ინტერესების დამცველი იურიდიული კომპანიის მიერ გაგზავნილი წერილის პასუხად მიიღეს.
ვიქტორ იანუკოვიჩი 2010-2014 წლებში უკრაინის პრეზიდენტი იყო. მან ქვეყანა 2014 წლის ცნობილი მოვლენების, ეგრეთ წოდებული ევრომაიდნის დროს დატოვა. იანუკოვიჩზე უკრაინაში რამდენიმე სისხლის სამართლის საქმეა აღძრული. მანამდე მისი ქონების ნაწილი, კერძოდ ავტომობილები დააპატიმრეს.