რუსეთის საგარეო საქმეთა მინისტრი აცხადებს, რომ უკრაინასთან დაკავშირებით მოსკოვი გარკვეული დათმობებისთვის მზადაა. CBS News-თან ინტერვიუში სერგეი ლავროვმა ინტერესთა ბალანსის დაცვის მნიშვნელობას გაუსვა ხაზი. მისი თქმით, რუსეთი მზად არის შეთანხმების დასადებად, მაგრამ ჯერ კიდევ არსებობს კონკრეტული პუნქტები, რომელთაც დახვეწა სჭირდება.
„უკრაინასთან დაკავშირებით, რუსეთი გარკვეული დათმობებისთვის მზადაა მე არა ერთხელ გავუსვი ხაზი ჩვენს მზადყოფნას, ვეძებოთ ინტერესთა ბალანსი. შეერთებული შტატების პრეზიდენტი თვლის და მეც სწორად მიმაჩნია, რომ სწორი მიმართულებით მივდივართ. პრეზიდენტის განცხადებაში შეთანხმებაზეა საუბარი და ჩვენ მზად ვართ შეთანხმების მისაღწევად, მაგრამ ჯერ კიდევ არსებობს კონკრეტული პუნქტები, ამ შეთანხმების ელემენტები, რომლებსაც დახვეწა სჭირდება და ჩვენ ახლა სწორედ ამით ვართ დაკავებული“, – განაცხადა ლავროვმა.