აშშ-ში, ილინოისის შტატში ვერტმფრენი ჩამოვარდა და დაიწვა, რის შედეგადაც ბორტზე მყოფი სამი ადამიანი დაშავდა. ინფორმაციას Dailymail-ი ავრცელებს.
მედიის ცნობით, ვერტმფრენი საწვრთნელ ფრენას ასრულებდა. ჰარტფორდის სახანძრო სადგურიდან აფრენის შემდეგ, მისურის შტატის ქალაქ სენტ-ლუისიდან დაახლოებით ნახევარი საათის სავალზე, საავტომობილო გზაზე ჩამოვარდა.
დაშავებულები საავადმყოფოში არიან გადაყვანილები. ფედერალურმა საავიაციო ადმინისტრაციამ დაადასტურა, რომ ვერტმფრენის ბორტზე პილოტი და ორი მგზავრი იმყოფებოდა.
მედიის ინფორმაციით, ადგილობრივ მაცხოვრებლები სახანძრო დეპარტამენტმა წინასწარ გააფრთხილა, რომ ვერტმფრენი საწვრთნელ ფრენას ასრულებდა და ფრთხილად ყოფილიყვნენ.
კომენტარები