აზერბაიჯანის შემდეგ სომხეთი – ერთ საათში საქართველოს პრეზიდენტი, დელეგაციასთან ერთად, ერევანში ჩავა. მიხეილ ყაველაშვილს კოლეგა უმასპინძლებს. დაგეგმილია შეხვედრები როგორც პირისპირ, ასევე გაფართოებულ ფორმატში, რის შემდეგაც მედიისთვის ერთობლივი განცხადებები გაკეთდება.
“პირველი ვიზიტი აქვს პრეზიდენტს ოფიციალური ვიზიტი სომხეთში. შეხვედრები არის დაგეგმილი კოლეგასთან – სომხეთის პრეზიდენტთან, ბატონ ხაჩათურიანთან. პრემიერ-მინისტრთან შეხვედრები იქნება ასევე, მთავრობის წარმომადგენლებთან, მინისტრებთან. ძალიან დატვირთული სამუშაო გრაფიკია.
ძალიან მნიშვნელოვანია ეს ვიზიტი, რამეთუ ისტორიულ მაქსიმუმს მიაღწია ჩვენმა ურთიერთობამ. შარშან ხელი მოეწერა სტრატეგიულ ურთიერთობას სომხეთსა და საქართველოს შორის, დაიდო მემორანდუმი. ეკონომიკური ურთიერთობები, ტურიზმი ვითარდება ძალიან სწრაფი ტემპებით. ბევრი რამ გვაქვს საერთო. საქართველოს კულტურის დღეები გაიმართება ცოტა ხანში სომხეთში და ბევრი რამ, რაც არის უკვე დაწყებული და მათ შორის, არის სამშვიდობო ინიციატივა, რომლითაც გამოვიდა საქართველო, მშვიდობიანი კავკასიის იდეით“, – აცხადებს საქართველოს საგანგებო და სრულუფლებიანი ელჩი სომხეთში გიორგი შარვაშიძე.