უკრაინის ხელისუფლებას რუსეთის პრეზიდენტის, ვლადიმერ პუტინის ფაშიზმზე გამარჯვების მე-80 წლისთავთან დაკავშირებით ცეცხლის დროებით შეწყვეტის შესახებ გადაწყვეტილების არ ესმის, – განაცხადა უკრაინის საგარეო საქმეთა სამინისტროს სპიკერმა, გიორგი ტიხიმ.
მისი თქმით, უკრაინას ცეცხლის სრული და უპირობო შეწყვეტა სურს. „ჩვენ გვსურს ვიხილოთ ცეცხლის სრული შეწყვეტა. არა დროებითი, სამი დღით, 30 საათით, არამედ სრული, სულ მცირე 30 დღით“, – აღნიშნა მან.
უკრაინის საგარეო უწყების სპიკერის თქმით, რუსეთს ამგვარი გადაწყვეტილების მიღება ნებისმიერ დროს შეუძლია. მისი განცხადებით, ამ საკითხში პრობლემა „უკრაინაში არ არის“.
„ჩვენ ნამდვილი ხანგრძლივი ცეცხლის შეწყვეტისთვის და სამშვიდობო პროცესისთვის სრულად მზად ვართ. ეს უკვე მოსკოვმა უნდა გადაწყვიტოს, თუ როდის იქნება თავად მზად ამისთვის. ჯერ ვხედავთ მხოლოდ იმას, რომ მათ აღდგომაზეც გამოაცხადეს ზავი, რომელიც ძალიან მოკლე იყო და ბოლომდე არ იყო უზრუნველყოფილი“, – თქვა ტიხიმ.
ცნობისთვის, პუტინმა გუშინ 8 მაისიდან 11 მაისამდე უკრაინის ფრონტზე ცეცხლის დროებითი შეწყვეტის შესახებ გამოაცხადა. როგორც მან აღნიშნა, ამგვარი გადაწყვეტილება ფაშიზმზე გამარჯვების მე-80 წლისთავთან დაკავშირებით მიიღო.