“რეიტინგ დაკარგული ოპოზიცია ერთმანეთს აბრალებს ამ დამარცხების და რეიტინგის დაკარგვის მიზეზებს”

5 თვე ადგილობრივი თვითმმართველობის არჩევნებამდე და ისევ გაურკვევლობა ოპოზიციაში. ჯერ კვლავ უცნობია ვინ მიიღებს მონაწილეობას 4 ოქტომბრის არჩევნებში.

“ნაციონალური მოძრაობის” გარდა, მკაფიო უარს არცერთი ოპოზიციური პარტიას არ ამბობს. გაურკვევლობა ოპოზიციაში განხეთქილების და დაპირისპირების მიზეზია. “ქართული ოცნება” კი წინასწარ დარწმუნებულია, რომ ყველა მუნიციპალიტეტში გაიმარჯვებს.

პარლამენტის საპროცედურო საკითხთა და წესების კომიტეტის თავმჯდომარის, დავით მათიკაშვილის განცხადებით, ოპოზიცია მოიქცევა ისე, როგორც დაავალებენ.

“რეიტინგ დაკარგული ოპოზიცია ერთმანეთს აბრალებს ამ დამარცხების და რეიტინგის დაკარგვის მიზეზებს.

არ არის გასაკვირი ეს დაპირისპირება, თუმცა იმის გათვალისწინებით, რომ ისინი, საბოლოო ჯამში, აგენტურულ პარტიებს და ე.წ. პოლიტიკოსებს წარმოადგენენ, რა თქმა უნდა, ისინი გააკეთებენ იმას, რასაც დაავალებენ. ეტყვიან ყირაზე დადექითო – დადგებიან ყირაზე, ეტყვიან ერთმანეთს დაუპირისპირდიო – დაუპირისპირდებიან, გაერთიანდებიან, თუკი ეს დავალება ექნებათ”, – განაცხადა დავით მათიკაშვილმა.