„როგორ შევიძინოთ მეგობრები და გლობალური მასშტაბით როგორ მოვახდინოთ გავლენა ადამიანებზე“ – ამ სათაურით აქვეყნებს სტატიას „ატლანტიკური საბჭოს“ ვებგვერდზე საქართველოში ბრიტანეთის ყოფილი ელჩი ალექსანდრა ჰოლ ჰოლი.
ალექსანდრა ჰოლ ჰოლი ამერიკის შეერთებული შტატების პრეზიდენტ დონალდ ტრამპის ადმინისტრაციის მიერ საერთაშორისო სტიპენდიების და გაცვლითი პროგრამების დაფინანსების შემცირებას აკრიტიკებს და წერს, რომ გადაწყვეტილება არამართებულია. ავტორი განმარტავს, რომ პროგრამები ხელს უწყობს ხალხთა შორის დიპლომატიის გაძლიერებას და შტატების მიმართ კეთილგანწყობის მოპოვებას.
ალექსანდრა ჰოლ ჰოლის მაგალითად საქართველო მოჰყავს და წერს, რომ პირადად ნახა, რა სარგებელი მოაქვს პროგრამებს. ავტორი აღნიშნავს, რომ საქართველოს ყოფილი და მოქმედი მთავრობის წევრების უმრავლესობა, მათ შორის პრემიერი გიორგი კვირიკაშვილი და ყოფილი პრეზიდენტი მიხეილ სააკაშვილი, ამერიკული პროგრამების კურსდამთავრებულია, რომ მათ კორუფცია სტაბილურ დემოკრატიად აქციეს. ალექსანდრა ჰოლ ჰოლის შეფასებით, შემთხვევითი არ არის, რომ საქართველო აშშ-ისთვის სანდო მოკავშირე და საერთაშორისო უსაფრთხოებაში ღირებული პარტნიორია.