დღეს საფრანგეთი ახლად არჩეული პრეზიდენტის ემანუელ მაკრონის ინაუგურაცია გაიმართება.
ემანუელ მაკრონი ელისეის სასახლეში თბილისის დროით 12:00 საათზე მივა.
მას პოსტს მოქმედი პრეზიდენტი ფრანსუა გადააბარებს.
ინაუგურაციასთან დაკავშირებით პარიზის ქუჩებში ათასობით პოლიციელია მობილიზებული.
ცერემონიის დასრულების შემდეგ შეიარაღებული ძალები მაკრონს გაპრეზიდენტებას ეიფელის კოშკიდან 21 გასროლით მულოცავენ.
ამის შემდეგ კი მაკრონი უცნობი ჯარისკაცის საფლავს გვირგვინით შეამკობს.
შეგახსენებთ, საფრანგეთში საპრეზიდენტო არჩევნების მეორე ტური გასულ კვირას გაიმართა, რომელშიც გამარჯვება ემანუელ მაკრონმა მოიპოვა. მისი კონკურენტი, „ნაციონალური ფრონტის“ ლიდერი მარინ ლე პენი იყო.
ფრანსუა ოლანდი პრეზიდენტის პოსტს 2012 წლიდან იკავებდა.
კომენტარები