აშშ-ის წარმომადგენელთა პალატის კონგრესმენი, დემოკრატი ელ გრინი პრეზიდენტ დონალდ ტრამპის იმპიჩმენტის პროცედურის დაუყოვნებლივ დაწყებას ითხოვს. შესაბამისი მოთხოვნის ამსახველი ვიდეოკადრები სოციალურ ქსელში ვრცელდება.
“სასამართლოსთვის ხელშეშლის გამო, აშშ-ის პრეზიდენტის დონალდ ტრამპის იმპიჩმენტისკენ მოვუწოდებ”, – აღნიშნა გრინმა.
კონგრესმენის განმარტებით, ის რაიმე პოლიტიკურ მიზნებს არ ემსახურება, არამედ სწამს “დიდი იდეალების” და დარწმუნებულია, რომ “არავის არ შეუძლია კანონზე მაღლა იდგეს, მათ შორის პრეზიდენტსაც”.
ელ გრინის შეფასებით, ამჟამად ქვეყანაში დემოკრატია “საფრთხის ქვეშ” არის.
აშშ-ის მოქმედი პრეზიდენრი დონალდ ტრამპია. მან საპრეზიდენტო არჩევნებში გასული წლის ნოემბერში გაიმარჯვა. ტრამპს რუსეთისადმი ლოიალობაში ადანაშაულებენ.
კომენტარები