ევროპულმა სასამართლომ ძალიან მკაფიოდ განაცხადა, რომ როდესაც თავდასხმა ხდება სახელმწიფო ინსტიტუტებზე და პოლიციაზე, ასეთ დროს სახელმწიფოს შეუძლია სპეციალური საშუალებების და ძალის გამოყენება, – განუცხადა ჟურნალისტებს საქართველოს იუსტიციის მინისტრის მოადგილე ბექა ძამაშვილმა.
თუმცა, მისი თქმით, კითხვის ნიშნები გაჩნდა გამოყენებული ძალის პროპორციულობასთან დაკავშირებით.
„სტრასბურგის სასამართლოს გადაწყვეტილებიდან რამდენიმე მნიშვნელოვან ასპექტზე უნდა გამახვილდეს ყურადღება. პირველ რიგში უნდა აღინიშნოს, რომ ევროპულმა სასამართლომ, მათ შორის, იმსჯელა, შეაფასა საქართველოს კანონმდებლობა შეკრება-მანიფესტაციებთან დაკავშირებით, პოლიციის მიერ ძალის გამოყენებასთან დაკავშირებით და ამ მიმართულებით რაიმე შენიშვნა, ხარვეზი არ დაუფიქსირებია.
ასევე, ევროპულმა სასამართლომ ძალიან მკაფიოდ განაცხადა, რომ როდესაც თავდასხმა ხდება სახელმწიფო ინსტიტუტებზე და პოლიციაზე, ასეთ დროს სახელმწიფოს შეუძლია სპეციალური საშუალებების და ძალის გამოყენება. კითხვის ნიშნები გაჩნდა გამოყენებული ძალის პროპორციულობასთან დაკავშირებით. კერძოდ, რამდენად შეიძლებოდა შინაგან საქმეთა სამინისტროს მაშინდელი ხელმძღვანელობის მხრიდან მიყენებული ზიანის მინიმიზაცია, შემცირება. ხომ არ შეიძლებოდა სპეციალური საშუალებების ისე გამოყენება, რომ ეს ზიანი საერთოდ არ დამდგარიყო. ამ მიმართულებით გაჩნდა კითხვის ნიშნები“, – აღნიშნა ბექა ძამაშვილმა.