დონალდ ტრამპი თავის პირველ უცხოურ ტურნეს აგრძელებს. საუდის არაბეთის შემდეგ, ის ისრაელის დედაქალაქ თელ-ავივში ჩავიდა. ინფორმაციას ავრცელებს BBC.
მედიის ცნობით, ტრამპი ისრაელში ორ დღეს გაატარებს, სადაც მოლაპარაკებებს გამართავს ისრაელისა და პალესტინის ლიდერებთან.
ბენ გურიონის სახელობის აეროპორტში სიტყვის გამოსვლის დროს ტრამპმა განაცხადა, რომ მისთვის უდიდესი პატივია წმინდა მიწაზე ჩასვლა, და რომ ის “აქ ისრაელისა და აშშ-ს შორის უწყვეტი კავშირის არსებობის დასადასტურებლად” ჩამოვიდა.
ისრაელის პრეზიდენტმა ბენიამინ ნეთანიაჰუმ ტრამპის ვიზიტს “ისტორიული” უწოდა.
აშშ-ის პრეზიდენტი დონალდ ტრამპი 20 მაისს თავისი პირველი უცხოური ტურნეს ფარგლებში საუდის არაბეთს ეწვია. ისრაელის, პალესტინის ავტონომიისა და ვატიკანში ვიზიტის შემდეგ, ის ბრიუსელში ნატოს სამიტზე გაემგზავრება და ბოლოს სიცილიაში G7-ის ლიდერების შეხვედრას დაესწრება.