ხვიჩა კვარაცხელიამ თურქეთთან მატჩში სხვაობა შეამცირა, ქართველმა ფეხბურთელმა მეტოქის კარში გოლი გაიტანა და ანგარიში 2:3 გახდა.
მატჩი ბორის პაიჭაძის სახელობის სტადიონზე მიმდინარეობს.
საქართველოს ნაკრების მთავარმა მწვრთნელმა, ვილი სანიოლმა გუნდის ძირითადი შემადგენლობა დაასახელა: გიორგი მამარდაშვილი, ოთარ კაკაბაძე, გურამ კაშია, საბა გოგლიჩიძე, ლუკა ლოჩოშვილი, გიორგი ქოჩორაშვილი, გიორგი წიტაიშვილი, ანზორ მექვაბიშვილი, ზურიკო დავითაშვილი, ხვიჩა კვარაცხელია, გიორგი მიქაუტაძე.
სათადარიგო: გუგეშაშვილი, კერესელიძე, ხვადაგიანი, გოჩოლეიშვილი, აზაროვი, მამუჩაშვილი, გაგნიძე, ლომინაძე, ლობჟანიძე, გულიაშვილი, კვერნაძე, ზივზივაძე.
თურქეთთან შეხვედრის შემდეგ, 7 სექტემბერს, ჩვენი გუნდის მეტოქე ბულგარეთი იქნება. მომდევნო მატჩიც თბილისში, „დინამო არენაზე“ გაიმართება.