არ უნდა გაგვიკვირდეს თუ ეს ინფორმაცია სწორი გამოდგა და მხოლოდ მერობის 20 კანდიდატი შეარჩიეს სხვადასხვა რეგიონში, – განაცხადა საქართველოს პარლამენტის თავმჯდომარის პირველმა მოადგილემ გიორგი ვოლსკიმ გახარია-ლელოს პოლიტიკურ გაერთიანებაზე საუბრისას.
მისი თქმით, ამ პარტიების მიმართ საზოგადოებას კრიტიკული დამოკიდებულება აქვს.
„გაერთიანების მიუხედავად გაუჭირდებათ კადრების შერჩევა. მერობის კანდიდატების შერჩევა ადვილი არ არის. საზოგადოებას საკმაოდ კრიტიკული დამოკიდებულება აქვს ორივე პარტიის მიმართ და გაცილებით უფრო უარესი დამოკიდებულება ნაცმოძრაობის მიმართ. ბოლო კვლევებიც ამას გვიჩვენებს. ასე რომ, არ უნდა გაგვიკვირდეს თუ ეს ინფორმაცია სწორი გამოდგა და მხოლოდ 20 კანდიდატი შეარჩიეს სხვადასხვა რეგიონში. ეს არის შედეგი იმ პოლიტიკისა, რასაც ბოლო პერიოდში ისინი ატარებენ“, – განაცხადა ვოლსკიმ.
არსებული ინფორმაციით, გახარია-ხაზარაძის ოპოზიციურმა გაერთიანებამ 44 ოლქში კანდიდატი ვერ მოიძია.