ტენდენცია უცვლელია – საერთაშორისო ექსპერტები ჯეროვნად აფასებენ საქართველოს წინსვლას, ხოლო ევროკრატია ნაცმარიონეტებითურთ ხატავს დისტოპიურ სურათს, იმავე ევროკომისიის ანალიტიკოსების და არა ჩინოსნების შეფასებით, კორუფციის არარსებობის ინდექსით, საქართველო ევროპის ტოპ ოცეულშია, – წერს ანალიტიკოსი გია აბაშიძე სოციალურ ქსელში.
მისი განცხადებით, კვლევამ ევროპის ყველაზე კორუმპირებული ქვეყნებიც გამოავლინა, რომელშიც პირველ ადგილზე უკრაინა გავიდა, რომელსაც „ევროკრატები“ თვალთმაქცურად აქებენ, ჩამონათვალში მოხვდა მოლდოვაც, რომელიც, აბაშიძის თქმით, მესამე ადგილზეა.
„ტენდენცია უცვლელია – საერთაშორისო ექსპერტები ჯეროვნად აფასებენ საქართველოს წინსვლას, ხოლო ევროკრატია ნაცმარიონეტებითურთ ხატავს დისტოპიურ სურათს, იმავე ევროკომისიის ანალიტიკოსების და არა ჩინოსნების შეფასებით, კორუფციის არარსებობის ინდექსით, საქართველო ევროპის ტოპ ოცეულშია. ტრაგიკომიკური მცდელობა, რომ საქართველოს კიდევ სხვა ინდიკატორებში გაუმჯობესება თითქოს არ იყო ბრიუსელის შეფასება, მაგრამ მის ოფიციალურ გვერდზეა მისივე დაკვეთით, ისეთივე ოქსიმორონია, როგორც თაღლითი მამუკა ხაზარაძის ხალხოსნობა.
ევროკომისია, მსოფლიო მართლმსაჯულების პროექტის კანონის უზენაესობის გამოკვლევის ფარგლებში, კორუფციის არარსებობის ინდექსს აქვეყნებს, რომლის მიხედვითაც საქართველომ შეფასების 100%-იანი სისტემით 67% მიიღო, მსოფლიოში 35-ე ადგილზე გავიდა და ევროპის საუკეთესო ოცეულში მოხვდა.
კორუფციის არარსებობით საქართველო უსწრებს ევროკავშირის წევრობის ყველა კანდიდატ ქვეყანას, ევროკავშირის და ნატოს წევრ 14 სახელმწიფოს: იტალიას, ხორვატიას, საბერძნეთს, სლოვენიას, სლოვაკეთს, რუმინეთს, უნგრეთს, ბულგარეთს, მალტას, კვიპროსს, მონტენეგროს, ჩრდილოეთ მაკედონიას, თურქეთს, ალბანეთს.
კვლევამ ევროპის ყველაზე კორუმპირებული ქვეყნებიც გამოავლინა. ევროპაში კორუფციის სიდიდით პირველ ადგილზე უკრაინა გავიდა [რა თვალთმაქცურად აქებენ მას ევროკრატები ე.წ. რეფორმატორობის გამო], მეორეზე ალბანეთი, ევროპაში მესამე ყველაზე კორუმპირებული ქვეყანა კი მოლდოვაა. რაც შეეხება რუსეთს, ევროპის ყველაზე კორუმპირებული ქვეყნების რეიტინგში ის სერბეთის შემდეგ მეხუთე ადგილს იკავებს“, – წერს გია აბაშიძე.