ექსპერტი, ედიშერ გვენეტაძე, კონსერვატორი აქტივისტის, ჩარლი კირკის მკვლელობას ეხმიანება და მისი მკვლელობის მიზეზად ასახელებს მის მიერ გამოთქმულ მოსაზრებებს უკრაინაში განხორციელებულ ხოცვა-ჟლეტასთან დაკავშირებით.
ედიშერ გვენეტაძის განცხადებით ჩარლი კირკის სიკვდილი გაგრძელებაა წარსულში მომხდარი პოლიტიკური მკვლელობებისა — პრეზიდენტ კენედის, სლოვაკეთის პრემიერი ფიცოს წინააღმდეგ სროლის, უნგრეთის პრემიერი ორბანზე მოწყობილი ავარიის და სხვა შემთხვევებისა.
მისივე თქმით, იმას რასაც კირკი ლაპარაკობდა და რის გამოც მოკლეს, დიდი ხანია იგივე საკითხებზე „ქართული ოცნების“ ხელისუფლება საუბრობს.
„ზუსტად იმის გამო მოკლეს ჩარლზ კირკი, რომ მან თქვა რეალური მიზეზი იმ ხოცვა-ჟლეტისა, რომელიც უკრაინაში და არა მარტო უკრაინაში მიმდინარეობს.
კირკის მკვლელობა გაგრძელებაა პრეზიდენტ კენედის მკვლელობის და სხვა უამრავი პოლიტიკური მკვლელობების. უფრო დაკონკრეტებით გაგრძელებაა პრემიერ ფიცოზე სროლის, გაგრძელებაა უნგრეთის შეუპოვარ პრემიერ ორბანზე მოწყობილი ავარიის, გაგრძელებაა ჩვენი პრემიერის მიმართ გამოთქმული გაფრთხილების- თუ ასე გააგრძელებ ფიცოს ბედი შენთვის მონაგონი იქნებაო… ეს უკვე მერამდენე მსხვერპლია იმ ძალების, რომელთაც სამხედრო-სამრეწველო კომპლექსი ანუ “დიფ სტეიტის” ანუ “გლობალური ომის პარტია” ჰქვიათ და რომლის წარმომადგენლები საქართველოში არიან კოლექტიური ნაცმოძრაობა ბელად მიშას, ხოლო უკრაინაში კლოუნ ზელენსკის მეთაურობით მოქმედი ანტიხალხური და ანტიეროვნული კაცთმოძულე ხროვები. რომლებმაც “დიპ სტეიტის” მმართველების დავალებებისა და საკუთარი ოჯახების გამდიდრების გამო საქართველოში ათასობით, ხოლო უკრაინაში მილიონობით ადამიანი გაჟლიტეს, ჟლეტენ და უპირებდნენ გაჟლეტას ის რასაც ლაპარაკობდა კირკი და რის გამოც მოკლეს ის, იმას წლებია იძახის საქართველოში არსებული ყველა ჯანსაღი, ფაქტების რეალურად აღმქმელ-შემფასებელი მოაზროვნე ადამიანი. განსაკუთრებით კი მმართველი პოლიტიკური ძალა.
თუმცა ისიც აღსანიშნავია, რომ ისტორიის კანალიზაციაში მიმავალი ნეოტროცკისტულ, ლიბერასტულ ძალებს, რომელთაც როგორც დრომ დაამტკიცა არსებობა შეუძლიათ მხოლოდ და მხოლოდ ომებით, კაცთა მოდგმის ჟლეტით და რომლის მომხრეები, მხარდამჭერები საუბედუროდ ჩვენთანაც საკმაოდ მრავლად არიან, არსებობის ბოლო დღეები, წუთები და წამები უდგათ. ამიტომაც დაიწყეს კაცთა მოდგმის ამ უბოროტესმა მტრებმა ტერორზე გადასვლა. თუმცა კაცობრიობის ამ უკვე ზედმეტ ტვირთების ქცეულ არსებებმა უეჭველად არ უწყიან ბიბლიური ჭეშმარიტების – “ვინც ხმალს აღმართავს, ხმლითვე დაიღუპება”– წერს გვენეტაძე.