“აბსოლუტურად ყველაფერს გავაკეთებთ იმისთვის, რომ ჩვენი მოქალაქეები მშვიდ გარემოში შეხვდნენ 4 ოქტომბერს, გააკეთონ თავისი ღირსეული არჩევანი და კარგად ვიცი, რა არჩევანიც ექნება გაკეთებული“ – ამის შესახებ თბილისის საკრებულოს სარევიზიო კომისიის თავმჯდომარე, კრწანისის რაიონის მაჟორიტარი დეპუტატობის კანდიდატი, ლევან ჯაფარიძე “კურიერის” ეთერში საუბრობს.
მისი თქმით, გარშემო კონკრეტული ადამიანები ხელოვნურად დაძაბულობის და სიმძიმის შექმნას ცდილობენ.
“მოგეხსენებათ, არ არის ყველა ერთმნიშვნელოვნად განწყობილი ჩვენი ქალაქისა და ქვეყნის მოქალაქეებიდან იმის მიმართ, რომ უნდა იყოს ძალიან მშვიდი, წყნარი და კარგი გარემო არჩევნებისთვის, რადგან ადამიანებმა მშვიდად, წყნარად, საღ გონებაზე გადაწყვიტონ, თუ რა არის მათთვის უკეთესი, როგორი არჩევანი გააკეთონ, ნახონ გაკეთებული საქმეები, მოისმინონ დანაპირები და სწორი არჩევანით, მშვიდად მივიდნენ და გააკეთონ თავისი არჩევანი. სამწუხაროდ, უამრავ ხელის შეშლას ვხედავთ, ვხედავთ, როგორ ცდილობენ გაამწვავონ სიტუაცია, როგორ ცდილობენ ხელოვნურად დაძაბულობის შემოტანას, როგორ ცდილობენ, რომ გაღიზიანება, სიმძიმე იგრძნობოდეს ჩვენს გარშემო. მაგრამ, დარწმუნებული ვარ, ჩვენი გუნდი ამას სათანადოდ გაუმკლავდება.
აბსოლუტურად ყველაფერს გავაკეთებთ იმისთვის, რომ ჩვენი მოქალაქეები მშვიდ გარემოში შეხვდნენ 4 ოქტომბერს, გააკეთონ თავისი ღირსეული არჩევანი და კარგად ვიცი, რა არჩევანიც ექნება გაკეთებული, იმიტომ რომ ჩვენ, ჩვენი საქმით დავამტკიცეთ და ვანახეთ ამ ადამიანებს, თუ რატომ ვიმსახურებთ ნდობას, თუ რატომ უნდა გაკეთდეს არჩევანი “ქართული ოცნების” სასარგებლოდ. ზუსტად ვიცი, ჩვენი მოსახლეობა მათი ხმები და ჩვენი შვილების მომავალი იქნება აბსოლუტურად დაცული და მაქსიმალურს გავაკეთებთ, რომ არევის საშუალება არავის მივცეთ ,” – აცხადებს ლევან ჯაფარიძე.