მერაბ დვალიშვილი დარბაზში ძალიან ბევრს მუშაობს, ვერც კი აღვწერ, რამდენად გააუმჯობესა თავისი უნარები“, – ამის შესახებ UFC-ს ქართველი მებრძოლის მწვრთნელმა, ჯონ ვუდმა ერთ-ერთ პოდკასტში ისაუბრა.
როგორც ჯონ ვუდი ამბობს, მერაბი აღარაა ის მებრძოლი, რომელიც კონცენტრაციას მხოლოდ გდებებზე ახდენდა, ის მუდმივად ეძებს სიტუაციას, როგორ მოიგოს ბრძოლა ვადამდე.
„მერაბ დვალიშვილი დარბაზში ძალიან ბევრს მუშაობს. ვერც კი აღვწერ, რამდენად გააუმჯობესა თავისი უნარები. მთელი დარბაზი მასზე საუბრობს.
დვალიშვილი აღარაა ის მებრძოლი, რომელიც კონცენტრაციას მხოლოდ გდებებზე ახდენდა, ის მუდმივად ეძებს სიტუაციას, როგორ დაასრულოს ბრძოლა ვადაზე ადრე. ცდილობს, მაყურებელს სანახაობა შესთავაზოს. ვფიქრობ, კორი სენდგეჰენთან განსხვავებულ მერაბს იხილავთ“, – განაცხადა ჯონ ვუდმა.
UFC-ს სუპერმსუბუქი წონის მოქმედი ჩემპიონი ტიტულის დაცვას მესამედ 6 ოქტომბერს შეეცდება. მერაბ დვალიშვილის მეტოქე ამერიკელი კორი სენდჰეგენია, რომელმაც კარიერაში 23 ბრძოლა ჩაატარა, საიდანაც 18 მოიგო.