შინაგან საქმეთა მინისტრმა გელა გელაძემ, პირველ მოადგილე რონი მესხთან ერთად, თბილისის პოლიციის დეპარტამენტის ხელმძღვანელ პირებთან სამუშაო შეხვედრა გამართა.
სამუშაო შეხვედრაზე მინისტრმა, პოლიციის დეპარტამენტის წარმომადგენლებისგან დანაშაულთან ბრძოლისა და საპოლიციო პრევენციული ღონისძიებების შესახებ დეტალური ინფორმაცია მიიღო.
გელა გელაძემ ყურადღება გაამახვილა თბილისის პოლიციის დეპარტამენტის თანამშრომლების მიერ, სხვადასხვა სისხლის სამართლის საქმეზე ჩატარებულ წარმატებულ საპოლიციო ღონისძიებებზე. მათ შორის განსაკუთრებით ხაზი გაუსვა თბილისში, სამართალდამცველების მიერ საკუთრების წინააღმდეგ ჩადენილ დანაშაულებში ჩართული პირებისა და რადიკალური ფაშისტური დაჯგუფებების წევრების გამოვლენა-დაკავების მიმართულებით, ბოლო პერიოდში გაწეულ ძალისხმევას.
შინაგან საქმეთა მინისტრმა თბილისის პოლიციის დეპარტამენტის თანამშრომლებს დედაქალაქში მართლწესრიგის უზრუნველყოფისთვის მადლობა გადაუხადა.