აშშ-ის პრეზიდენტის სპეციალურმა წარმომადგენელმა, სტივ უიტკოფმა უკრაინის კონფლიქტში ამერიკის როლსა და პოზიციაზე ისაუბრა.
მისი განმარტებით, ვაშინგტონი საკუთარ თავს პროცესში მხოლოდ მედიატორად ხედავს და არა კონფლიქტის უშუალო მონაწილედ.
„ჩვენ საკუთარ თავს შუამავლად განვიხილავთ. ჩვენ არ მივიჩნევთ თავს ამ კონფლიქტის პროტაგონისტად.
შესაბამისად, არცერთხელ არ ყოფილა ისეთი შემთხვევა, რომ უკრაინელებთან ან მათ ხელმძღვანელობასთან მივსულიყავით და გვეცადა მათთვის მოგვეხვია რაიმე ტიპის ხედვა, რომლის ერთგულიც, ჩვენი მოლოდინით, უკრაინა უნდა ყოფილიყო.
ჩვენ ყურადღებით ვუსმენდით უკრაინის ხელისუფლებას – იმასთან დაკავშირებით, თუ რისი გაკეთება შეუძლიათ მათ და რისი არა; სად არსებობს პოლიტიკური სივრცე ამ სიტუაციის გადასაჭრელად; როგორ შეიძლება ვიფიქროთ ტერიტორიებზე ან სხვა საკითხებზე“, – აღნიშნა უიტკოფმა.