ესპანეთმა დახურა საკუთარი საჰაერო სივრცე იმ თვითმფრინავებისთვის, რომლებიც მონაწილეობენ ირანისა და ისრაელის სამხედრო ოპერაციაში „ეპიკური მრისხანება“, – ამის შესახებ „ელ პაისი“ წერს. გამოცემის ინფორმაციით, მადრიდმა აკრძალა როტის (კადისის პროვინცია) და მორონ-დე-ლა-ფრონტერის (სევილიის პროვინცია) ბაზების გამოყენება იმ ავიაგამანადგურებლებისა და საწვავის შემავსებელი თვითმფრინავებისთვის, რომლებიც ირანზე თავდასხმებში მონაწილეობენ.
ესპანეთის საჰაერო სივრცეში შესვლა ასევე აკრძალული აქვთ იმ ამერიკულ თვითმფრონავებს, რომლებიც მესამე ქვეყნებში, მაგალითად, დიდ ბრიტანეთში ან საფრანგეთში არიან ბაზირებული. გამონაკლისს წარმოადგენს საგანგებო სიტუაციები, როდესაც ამ თვითმფრინავებისთვის ესპანეთის საჰაერო სივრცეში შესვლა ან ესპანეთში დაშვება ნებადართული იქნება.
ესპანური მედიის ცნობით, მანამდე გავრცელდა ინფორმაცია, რომ აშშ-მა გადაწყვიტა ესპანეთში განთავსებული თავისი საწვავის შემავსებელი თვითმფრინავები სხვა ქვეყნებში გადაეყვანა, რადგან მადრიდს არ სურს აშშ-ისა და ისრაელის სამხედრო ოპერაციის მხარდაჭერა.