ბოლნისის მუნიციპალიტეტის სოფელ ქილაგირში ავტოსაგზაო შემთხვევის შედეგად მცორეწლოვანი ბავშვი გარდაიცვალა. გავრცელებული ინფორმაციის მიხედვით, 11 წლის ბავშვი ველოსიპეტით გადაადგილდებოდა რა დროსაც მას მსუბუქი ავტომობილი დაეჯახა. რადიო “მარნეულის” ინფორმაციით მცირეწლოვანი ბავშვი ადგილზე გარდაიცვალა.
გარდაცვლილის ოჯახის წევრები და ახლობლები მარნეულში “ავერსის” კლინიკასთან შეიკრიბნენ. დააზიანეს კლინიკისა ინფრასტრუქტურა რის შემდეგაც მარნეულის ცენტრალური მოედნისაკენ გადაინაცვლნენ.
ადგილზე მობილიზებული არიან კრიმინალური და საპატრულო პოლიცია.
შინაგან საქმეთა სამინისტროში რადიო “მარნეულს” განუცხადეს, რომ ფაქტთან დაკავშირებით გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს რაც ტრანსპორტის მოძრაობის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. დანაშაული 4-დან 7 წლამდე ვადით პატიმრობით ისჯება.
შსს-ს განმარტებით, დანიშნულია ყველა შესაბამისი ექსპერტიზა.