საქართველოს ეროვნული ნაკრების მთავარმა მწვრთნელმა, ვილი სანიოლმაბაჰრეინთან მოგებული (2:0) ამხანაგური მატჩი პრესკონფერენციაზე შეაფასა.
„თამაში სამი ცენტრალური მცველით დავიწყეთ, რადგან ჩვენი მთავარი მიზანი არა ბაჰრეინთანმოგება, არამედ ის გამოწვევა იყო, რომელიც სექტემბრიდან გველის.
ამ შეხვედრაში აშკარა ფავორიტები ვიყავით. ახალგაზრდა მცველებს, გოგლიჩიძესა და ბერიაშვილს ასეთ დონეზე თამაშის გამოცდილება არ აქვთ და მათ მეტი სათამაშო დრო მივეცით. მეორე ტაიმში კარგად შემოვიდა შეცვლაზე ირაკლი აზაროვიც.
ყველაფერს იდეალურად არ ჩაუვლია, მაგრამ მთლიანობაში ამ თამაშებით კმაყოფილი ვარ. რა თქმა უნდა, მეტი გოლის გატანის სურვილი მქონდა, მაგრამ შეტევის ბოლო ფაზაში უფრო ზუსტად უნდა გვემოქმედა.
ეგოიანი რუმინეთთან კარგად ჩაერთო თამაშში. დღესაც ბევრი იშრომა და მშვენიერი საფუძველი შექმნა საიმისოდ, რომ სექტემბრის თამაშებში გამოვიძახოთ“.