ირანის პრეზიდენტმა, მასუდ პეზეშკიანმა აშშ-თან გაფორმებულ შეთანხმებას „ისტორიული დოკუმენტი“ უწოდა და მას „ძლიერი ირანის გზავნილი“ შეარქვა.
„ეს არის ისტორიული დოკუმენტი და გზავნილი ძლიერი ირანისგან: მშვიდობა ურთიერთპატივისცემით მიიღწევა“, – დაწერა ირანის პრეზიდენტმა, მასუდ პეზეშკიანმა პლატფორმა X-ზე.
„ირანის ისლამური რესპუბლიკა კვლავ ერთგული რჩება გლობალური მშვიდობის, ამასთანავე ინარჩუნებს თავის ღირსებასა და დამოუკიდებლობას, და მიესალმება პროგრესსა და რეგიონულ თანამშრომლობას“, – აღნიშნა მან.
14-პუნქტიანი დოკუმენტი განსაზღვრავს პირობებს ხანგრძლივი ცეცხლის შეწყვეტისა და ირანსა და აშშ-ს შორის სამშვიდობო მოლაპარაკებების გაგრძელებისთვის.
ის ირანს დიდ ფინანსურ სარგებელს ჰპირდება – სანქციების გაუქმებით, რათა ირანმა შეძლოს თავისი ნავთობის მსოფლიო ბაზარზე გაყიდვა, ასევე, შესაძლოა, მისცეს წვდომა მილიარდობით გაყინულ აქტივზე და 300 მილიარდი დოლარის ოდენობის დაფინანსებაზე.