ჟურნალისტი ჯაბა ხუბუა, ბუდაპეშტში გამართულ პრაიდის მსვლელობასთან დაკავშირებით, ევროკომისიის პრეზიდენტ ურსულა ფონ დერ ლაიენის განცხადებას აფასებს.
მისი განცხადებით, საქართველოს სჭირდება ევროპა, თუმცა, ფონ დერ ლაიენებისა და კუბილისუების ევროპა, რომელიც ლგბტ პრაიდებით ამაყობს, საქართველოსთვის ვერასოდეს იქნება მისაღები და მისაბაძი.
„ევროკომისიის პრეზიდენტი ურსულა ფონ დერ ლაიენი აღფრთოვანებას ვერ მალავს და ბედნიერი და ამაყია უნგრეთის დედაქალაქში გამართული ლგბტ პრაიდის გამო… დღეს მთელი ევროპა ამაყია, რომ ბუდაპეშტში პრაიდის ჩატარებას მივაღწიეთო,-აცხადებს ქალბატონი ურსულა, რომლის ხელმძღვანელობის პირობებში ევროკავშირი ისე დასუსტდა და პოლიტიკურად დაჩაჩანაკდა, რომ დიდი გეოპოლიტიკური მოთამაშეები ,,ბალი ათი შაურს” აღარ ეკითხებიან.
საქართველოს სჭირდება ევროპა, რომელიც ამაყობს დანტეთი, შექსპირით, გოეთეთი, ბახით, ბეთჰოვენით, ფელინით, რემბრანდტით და გაუდით, მაგრამ ფონ დერ ლაიენებისა და კუბილისუების ევროპა, რომელიც ლგბტ პრაიდებით ამაყობს, საქართველოსთვის ვერასოდეს იქნება მისაღები და მისაბაძი“, – წერს ხუბუა X-ზე.
ევროკომისიის პრეზიდენტი ურსულა ფონ დერ ლაიენი აღფრთოვანებას ვერ მალავს და ბედნიერი და ამაყია უნგრეთის დედაქალაქში გამართული ლგბტ პრაიდის გამო… დღეს მთელი ევროპა ამაყია, რომ ბუდაპეშტში პრაიდის ჩატარებას მივაღწიეთო,-აცხადებს ქალბატონი ურსულა, რომლის ხელმძღვანელობის პირობებში…
— jabakhubua (@jabaxubua) June 28, 2026